Direktiva di AMAK a tuma nota di fayesimentu di Alejandro Frans na edat di 91 aña. Yandi manera nan ta yam’é kariñosamente su nòmber ofisial ta Alejandro Cofil. Yandi tabata un tremendo bolerista ku tabata bria ku su bon kompañá e tempu ei pa Estrellas del Caribe sigur den añanan 50, 60 i 70. Yandi a perkurá pa hopi animashon na fiestanan lokal komo esnan internashonal. Nos ta kontentu ku tòg Yandi a logra tuma nota na bida ku Gobièrnu di Kòrsou a duna un kaya den Bonam na su nòmber, i amigunan a organisá un fiesta pe na okashon di su kumplimentu di 90 aña i Un Kanto pa Kòrsou na 2013 a keda dediká na Yandi Frans. Nos ke manda palabranan di kondolensia na hinter e famia di Estrellas del Caribe, espesialmente Sra. Nilda Supriana, na tur famianan di Yandi ku e pèrdida sensibel aki. Ku su alma sosegá na pas.