Diadoming awor dia 2 di Februari 2014 lo tuma lugar e inscripcion oficial di tur participante pa e Aruba Caiso & Soca Monarch 2014. Esaki lo tuma lugar durante un atardi / anochi cu hopi ambiente na D2i Club Situa den Crijnsenstraat 8 na San Nicolas. Esaki ta keda net entre Astoria y Winter Garden. E ambiente ta start for di 6 or di atardi cu diferente di e emisoranan radial cu transmision en bibo y tambe e musiconan cu lo inscribe. Manera semper ta e caso e ambiene ta unico mirando cu hopi biaha e musiconan ta mama gai di otro y asina hisa e expectativanan pa e festival cu lo cuminsa un siman despues di inscripcion. Ta informa tur banda cu ainda no a download e formulario pa busca esaki riba facebook. E formulario ta obtenibel riba e facebook di Musica y Aruba Caiso & Soca Monarch. Pa 9 or di anochi lo ta e deadline y pa asina un rato despues trek lot. E anochinan di pre final lo ta dianan 11,12,13 di Februari 2014. E anochi final lo ta dia 15. Tur anochi lo tuma lugar den e Carnival Village. Entradanan pa e festival ta obtenibel na tur 195 rebendedor di Lotto pa solamente 20 florin pa cada anochi di pre final y 40 florin pa e anochi final. Un Danki na Setar NV, Heineken, Lotto, Aruba Bank, ATA y Gobierno di Aruba