Nagico Insurances ta selebrá 50 aniversario di Regatta huntu ku Boneiru


Pa di dos aña konsekutivo patrosinador:

KRALENDIJK, Sèptèmber 2017 –  “Regatta ta algu netamente di Boneiru i nos ta masha kontentu di forma parti di e selebrashonnan. E aña aki ta mas grandi ku nunka, ya ku ta selebrando e di 50 aniversario di Regatta. Ta klaro ku Nagico mester tei!”, esaki di akuerdo ku sr. Bert Kramer di Nagico Insurances Boneiru.

Pueblo di Boneiru ya ta ampliamente konosí ku Nagico su produkto i servisionan. Durante di e último tempunan aki, ta hopi ta esnan ku a kambia pa un seguro di outo di Nagico. E lema ta masha fásil, kambia awe i spar pa mañan- esaki ta un kompromiso di Nagico ku tur kliente. Un seguro di outo no mester ta un doló di kabes i tampoko un gastu eksorbitante.  Na momentu ku bo kambia pa un seguro di outo di Nagico, bo ta spar sigur 15% of mas riba bo seguro di outo eksistente. Ademas, bo no ta pèrdè bo ‘no claim discount’ den eventualidat di un aksidente.

Patrosinio Bonaire Regatta 2017

Nagico ta komprometé ku Boneiru, i ta p’esei partisipashon na un evento asina importante pa komunidat boneriano i turismo di nos isla ta inevitabel. Esaki ta di dos bes ku Nagcio ta patrosiná e Bonaire Regatta, pero e bes aki lo ta mas grandi ku aña pasá! Lo tin diferente ‘promo items’ ku lo añadí mas goso na e anochinan di konsierto i e dianan di Regatta.  Faltando apénas 3 siman, Nagico ta invitá pueblo di Boneiru pa partisipá aktivamente na e festividatnan for di 11 pa 14 di òktober próksimo. Laga nos huntu ban hasi Bonaire Regatta grandi.

Spar awe, ya mañan bo por disfrutá!

Bishitá ofisina di Nagico Insurances na Kaya Gilberto. F. Betico Croes #2 òf yama 717-3022 pa abo tambe kambia bo seguro di outo awe mes! Kambia awe pa un seguro di outo di Nagico i spar 15% òf mas.