Lo tin ‘live entertainment’ i oportunidat di gana premio!

WILLEMSTAD – Djarason dia 27 di Aprel próksimo ta Dia di Sekretaria; aki na Kòrsou tambe nos ta selebrá. Komo ku riba e dia aki tambe ta Dia di Rei- Nautilus Restaurant ta selebrá Dia di Sekretaria riba djamars 26 di aprel.  Un dia dediká na sekretarianan, profeshonalnan atministrativo i resepshonistanan. Nautilus Restaurant situá na Renaissance Curaçao Resort a prepará un ‘Special Lunch Buffet’ ideal pa tur kompania selebrá e dia aki entre kolega.

Nautilus Restaurant ta konosí pa su bufèt ekstenso, variá i riku na sabor. Demostrá apresio na profeshonalnan atministrativo dor di invitá nan pa un almuerso riba nan dia. E Nautilus ‘Special Lunch Buffet’ ta inkluí un ‘Welcome Drink’. Ademas di esei, lo tin entretenimentu ‘bibu’ i tur sekretaria ku presentá nan business card tin chèns di gana premionan atraktivo durante di e tra’i mèrdia.  E ‘Special Lunch Buffet’ lo wòrdu sirbí entre 12’or di mèrdia i 3’or di atardi i lo ta únikamente optenibel riba e dia aki na e preis spesial di 65 florin pa persona inkluyendo impuesto i tur kargo di servisio. Konsiderando e gran éksito di tur aña, ta rekomendabel pa hasi reservashon awe mes.

Selebrá Dia di Sekretaria; yama 435.5009 pa hasi un reservashon pa bo grupo di kolega. Kuponan ta limitá. No lubidá ku por parker grátis na Renaissance Curaçao Resort. For di awor, ta felisitá tur profeshonal atministrativo riba nan dia.