Entretenimentu pa grandi i chikí por pasa un atardi plasentero

WILLEMSTAD – mart 2015 – Tur aña di nobo bo por konta ku e tei! E popular Brunch bufèt na Nautilus den Renaissance Curaçao Resort ta parti di e selebrashon familiar, un okashon perfekto pa bini huntu den famia. Selebrashon di Pasku Grandi lo no ta kompletu sin dje. Meskos ku e añanan anterior Renaissance Curaçao Resort ta invitábo pa hasi bo reservashon trempan pa huntu ku bo famia bo sigurá bo lugar durante di e popular ‘Easter Brunch’ dia 5 di aprel próksimo entre 12’or di mèrdia i 3’or di atardi na Nautilus. E aña aki a kombin’é ku entretenimentu bibu, pintamentu di kara pa e muchanan i oportunidat pa nan partisipá na ‘buskamentu di webu’ ku chèns di gana premio.

E ‘Brunch Bufèt’ ta kosta Naf 68.42 pa persona. Muchanan bou di 12 aña ta kome pa Naf 34.21 i esnan bou di 5 aña di edat ta komo grátis. Preis ta inkluí kargonan di servisio i impuesto. E Brunch bufèt ta ofresé un variashon kompletu, ekipá ku un stashon di pan, sòpi i salada. E bufèt kayente ta konsistí di entre otro rolade di salmou, karni di porko ku sous di apel i pich, kompañá ku aros basmati òf kuskus djis pa menshoná algun. Tambe lo tin e popular “carving station” ku opshonnan manera roasted grouper i bifstùk tri-tip. Ademas di esaki lo tin un stashon di pasta pa amantenan di pasta i un stashon di marisko ku delisianan di laman manera jumbo shrimps, ceviche i salmou humá. Na final di tur bon plato tin un dushi dessert. Pa tur ku ta amante di fruta tin un “fruit market station” ku lo ta kombiná ku un dessert station. Ta importante menshoná ku na yegada tur hende lo risibí un ‘house cocktail’ speshalmente traha pa e okashon aki, pa habri apetit.

No tarda! Hasi bo reservashon pa e ‘Easter Brunch Buffet’ na 435-5034. Renaissance Curaçao Resort i Nautilus ta deseá pueblo di Kòrsou un ‘Bon Pasku Grandi’ !