Willemstad, E Creative Capital ta sigui forma for di e diferente inisiativanan di e empresario i tambe “kreativo ”di Scharloo abou.  E kaya bitterstraat ya ta konta ku dos “coworking spaces”, tambe resientemente Villa Maria a wòrdu renobá pa por wòrdu usa tambe komo un lokalidat mas pa konferensia. E  Street Art Skalo den e mesun bario aki últimamente tambe ta atrahe mas i mas bishitante nobo pa e bario, ku e kuater pinturanan grandi i tambe un instalashon di arte den  Parke Leyba.

Ya pa un par di aña kaba e “coworking spaces” den e kaya aki ta fungi komo ofisina di trabou (flexibel) pa persona nan den e area kreativo i empresario nan. Pa “freelancers”, “startups “i tambe kreativo-nan “coworking spaces”, ta fuentenan di inspirashon i tambe kolaborashon potenshal ku ta di gran balor pa nan kresementu i tambe e sostenibilidat di nan negoshi. Stadsherstel tin un gran kantidat di edifisionan ku ta para bashí. Pa nan tambe e desaroyonan den e bario ta favorabel. E edifisionan ta haña uso atrobe pa gruponan di empresarionan ku huntu ta kompartí e gastunan pa asina por ubika nan negoshinan. Den sobra di mundu esaki kaba ta manera pa traha (huntu). Ta kompartí gastu, konosementu i kontakto nan pa asina tin un entrada sostenibel.

E estudio ICT niveau dos i tres di Nilda Pinto SBO a hasi un eskurshon riba 30 di november na Bitterstraat ku un grupo di alrededor di 60 studiante pa asina e hóbennan por a o haña un bista di e maneranan nobo pa traha. Den e aña ku a pasa e skol a hasi un projekto piloto pa asina yega mas serka di e intersenan di e estudiante i tambe experimenta e maneranan nobo di trabou. E resulatado tabata sorprendente. E hóben nan ta entusiasmá i a haña interes bek den skol. Motibo ku Nilda Pinto ke lanta e interes mas dor di mustra nan e desaroyo nan i e lokalidatnan nan ku por traha den praktika na Korsou.

Banda di bishitá e lokalidat e hóbennan a haña informashon di diferente grupo riba e tópiko “trabou den futuro. Un presentashon a wordu duna pa Fiona Curie di ministerio pa Desaroyo Ekonómiko riba e pedido di e dunadónan di trabou pa sierto fishinan   i tambe kon e hoben por prepara su mes pa esaki . E grupo a wòrdu dividí i a haña tres presentashon separá na diferente punto den bitterstraat . Nevita Mezas, un empresario trahando den Bitterstraat, a duna un presentashon tokante “co-working” i su benefisionan. Sander van Beuzekom, un otro empresario pero tambe un di e artistanan di Street art Skalo , a konta di e proyekto , pero tambe kon e pinturanan ta relatá na Grafic design i Art-Tech. Curaçao Information and Technology (CITI) tambe a duna un presentashon riba nan “Fab lab”, e Hackathon resien i tambe otro projektonan di ICT ku nan ta organisá.

Pa ku Creative Capital ku regulatidat ta organisa evento nan den kolaborashon ku StartupCuraçao,Dutch Caribbean Economists, Creative Lab i Workspot Curacao, i eventonan pa empresario nan  i kreativo-nan. Pa keda na altura di e eventonan aki por bishitá e pagina di facebook di Startup Curaçao i tambe Eventsandticket.co .