Lenny Kravitz
Multi-instrumentalista Lenny Kravitz ta un pia den rock i un pia den soul, pero tambe a krese i bira grandi den jazz, Su tata ta un promotor di jazz i ta tin diferente amistat músiko. Ku debut di su disko na 1989 Let Love Rule, kaminda e la demostrá di por toka diferente estilo di músika. Na 2014 e la presentá su di 10 disko titulá Strut. Ultimo añanan Lenny Kravitz ta ampliando su trabounan i asina ei e ta tin dos ròl den e seri The Hunger Games, e la saka su propio kolekshon di meubel i artíkulonan pa kas i a tene su promé eksibishon di potrèt. Músika ta keda su promé pashon i aña pasá e la presentá su pelíkula di konsierto Just Let Go.
Burt Bacharach
Kasi tur hende na mundu, konsiente òf inkonsientemente konosé un piesa skirbi pa Burt Bacharach. E maestro kompositor, ku e aña aki ta yega e edat di 88 aña, a komponé gran mayoria di su eksitonan huntu ku Hal David. Piesanan manera: Walk On By, What The World Needs Now Is Love i I Say A Little Prayer ta djis algun numero saka for di e repertorio amplio di e leyenda bibu aki. Bacharach i David a komponé nan promé kansion na 1957 i te dia djawe e kompositor vital aki ta komponiendo piesanan i dunando konsierto rònt mundu. Su último CD e la saka na 205 titulá At this Time i e aña aki Burt Bacharach a produsí: A life in Song, un registrashon na bida.
Komo yu di un predikador Al Jarreau (1940) a pone su promé pasonan den kor di misa. Mientras e ta studiando Psikologia e la katua ku un banda i a traha komo trahador sosial durante un tempu kòrtiku. E la start su karera komo profesional ku un banda ku George Duke. Na 1975 e la saka e disko We Got By i logra eksito grandi serka e publiko na 1981 ku su dusko Breakin’ Away, inkluso su mega hit Roof Garden. Na 7 okashon e la risibí un Grammy Award i na 2013 un biaha mas e tabata nominá ku su disku Live ku Orkesta Metropole. Na 2014, e la saka un tributo na George Duke, ku un aña promé a muri.
J Balvin
J Balvin, su nòmber original ta José Alvaro Osorio Balvin, ta un kantante di reggaeton di Medellin, Colombia. Komo mucha e ta tin masha interes pa diferente sorto di músika hiphop, dancehall, champeta i bachata i a kuminsá su karera ku su 17 aña i a biaha pa Merka pa bai studia ingles. Durante e 10 añanan ku a sigui e la traha na ambos pais i a haña fama den e kategoria urbano i bou di dj-nan. Aña pasá e la keda nominá na 13 okashon pa Billboard Latin Music Award. Su eksitonan ta Yo te lo Dije, Tranquila, Ay Vamos, 6 AM i Ginza.