Willemstad, Hotèl La Tentashon lo ta djadumingu 30 ougùstùs na sentro di Bario Brievengat sink’or di atardi. E obra aki ta presentá pa hóbennan di Luna Yen 2014 i algun hóben di La Tentashon Performing Arts Academy a djòin pa asina traha riba e tremendo obra aki. Nan tabatin vários presentashon kaba entre otro Montaña, Tera Kòrá i awor na Brievengat. “Hotèl La Tentashon” ta bai tokante un hotèl ku ta bayendo bankrut pa motibu ku tin sierto hendenan ta hasiendo un chake pa señora Clarinda, doño di e hotèl. Aki Superman, su subrino i algun trahadó ta deskubrí ken tur ta tras di e wega aki. Banco di Caribe, Refineria Isla, Gobièrnu di Kòrsou, Teatro Luna Blou, La Tentashon i Luna Yen ta invitá tur hende di Brievengat i  i bisindario pa bin pasa un ratu agradabel ku “Hotèl La Tentashon”. Entrada ta Naf 5,-  Alabes lo por inskribí pa e próksimo siman di tayer di Luna Yen, ku lo tuma lugá di 14 pa 20 di sèptèmber. Pa mas informashon por yama Teatro Luna Blou na +5999 462-2209/ +5999 524-8525. Bo por chèk nos página nan wèp. www.lunablou.com. Tambe bo por sigui nos riba facebook: teatro luna blou i la tentashon.