McDonald’s y COA a haya participacion di mas di 400 mucha. Mientras actividad di diaranson a keda posponi
ORANJESTAD, Aruba –20 di Juni 2017: Diasabra 17 di Juni den oranan di mainta a tuma luga e Olympic Kids Run di e Olympic Celebration Day 2017. Mas di 400 mucha a inscribi na nan scol pa asina por a participa. McDonald’s y COA tabata sumamente contento di mira e cantidad di participacion y di por a contribui na e dia aki.
Durante e Olympic Kids Run a separa e muchanan muhe y e muchanan homber, unda cu e muchanan a competi contra otro. Muchanan a pasa un momento agradabel, aunke cu un rato awa a cay esey no a stroba nan pa competi. Na final den e diferente categorianan a saca ganadonan. McDonald’s y COA ta sumamente contento di mira cu e Olympic Kids Run tabata exitoso y cu un cantidad grandi di mucha a participa.
Diaranson 21 di Juni lo tuma luga e Olympic 5k Fun Run/Walk a keda posponi pa motibo di mal y e lo tuma luga diaranson 28 di Juni proximo. E Olympic 5k Fun Run/Walk lo tuma luga na Linear Park, unda cu por haya T-shirt cuminsando pa 5:00 PM mientras cu pa 6:00 PM e evento lo cuminsa. Esnan cu kier participa den e Olympic Day 5k Fun Run/Walk por inscribi na IBiSA of na Start riba e mesun dia aki.
Desde 2012 Arcos Dorado ta un sponsor di e Olympic Day y ta haci esaki hunto COA, unda ta promove cu movecion ta hopi importante den bida diario di tur hende. Nan aportacion ta pa cubri e T-shirt oficial di e evento, pone disponibel logo’s, banners y otro Promotional Items. McDonald’s, COA IBiSA y scolnan ta invita tur mucha pa participa den e Olympic Kids Run, pero tambe ta invita Aruba general pa participa den e Olympic Day 5k Fun Run/Walk.
Pa mas informacion, bishita www.arcosdorados.com. Pa siña mas di e productonan di McDonald’s y nan ingredientenan di calidad, bishita cualkier restaurant di McDonald’s y puntra e manager riba e maneho di porta habri pa un tour den nan cushina. Pa mas informacion riba productonan nobo introduci, campañanan y actividadnan di restaurant, clientenan por ‘like’ e pagina di Facebook di McDonlad’s Curaçao & Aruba of sigui McDonlad’s riba Twitter @McDonald’s_CA of bishita nos pagina web www.mcdonaldsdwi.com.