Preisnan abou i deskuento tur dia!
WILLEMSTAD: Pronto Kòrsou lo tin un berdadero ‘tienda di deskuento’ i hasimentu di kompras lo bira sigur hopi kumbiniente. E popular kadena ulandes ku ta ofresé produktonan di kuido personal, limpiesa di kas i produktonan di salú lo ta hasiendo su debut riba nos isla, despues ku eksitosamente a selebrá apertura di 3 establesimentu na Aruba, den apénas 8 luna di tempu. Kumpra na OP=OP ta sigur 50% mas barata ku na un botika, esaki mes ta un di e motibunan pakiko a invertí den un filial di OP=OP na Kòrsou. Pa motibu di su konsepto i e volúmen haltu di produkto ku e ta ofresé, OP = OP por keda garantisá preisnan abou.
Meskos ku na Hulanda
Entrante dia promé di desèmber OP=OP lo ta ubiká na Caracasbaaiweg 212 i lo ofresé klientenan produktonan marka A, loke ta konsiderá e popular ‘A-merk’ na Hulanda. Riba djabièrnè dia promé di desèmber, portanan di OP=OP lo habri pa 9’or di mainta i lo ofresé Kòrsou produktonan di kalidat na preisnan atraktivo i deskuentonan di kita sombré. Di akuerdo ku Sr. Lennert van der Poel, managing director di OP=OP, e preisnan no ta pa un dia òf un momentu- sino henter dia i tur dia! E ta sigui splika ku e tim tabata impreshoná ku e aparensia di e establesimentu na Hulanda, e variashon grandi di produkto i e preisnan masha atraktivo. Mesora nan a kuminsa ku e negosiashonnan, ku a finalisá eksitosamente den un kolaborashon ku ta inkluí establesimentunan na Kòrsou, Aruba i pronto tambe Boneiru. E lokalidat di OP=OP na Kòrsou lo tin e mesun interior i aparensia ku esun na Hulanda.
Un regalo ku bo kompra!
E promé 100 klientenan ku bishitá OP=OP riba djabièrnè dia promé di desèmber ta risibí un regalo ku nan kompra. OP=OP lo ofresé artíkulonan di uso personal, detergente i produktonan di limpiesa di markanan internashonal. Tambe tin un surtido amplio di shampu, conditioner, deodorante i habon di bon kalidat. OP=OP ta ofresé produktonan pa tantu dama i kabayero, mucha i grandinan. Mas bo kumpra, mas deskuento lo bo haña!. OP=OP ta habrí di djaluna pa djasabra for di 9’or di mainta pa 8’or di anochi na Caracasbaaiweg 212.