Juan Pablo Duarte VSBO/AGO a selebrá apertura di e dos fase di e edifisio nobo di AGO. AGO ta pará pa Arbeidsgericht Onderwijs esta enseñansa práktiko di fishi dirigí riba merkado laboral. E tipo di enseñansa aki ta forma parti di skol Juan Pablo Duarte ya pa 7 aña. Durante e último aña i mei a traha un edifisio nobo pa kompletá e nesesidatnan pa formashon di nos alumnonan. Den e edifisio tin entre otro lokal di kuido, lokal di hospitality, lokal di kòmpiuter i instrukshon, kantor pa personal i bañonan pa alumno. Sra. Nivillac a hiba palabra komo direktora di AGO Juan Pablo Duarte I Sr. Guribaldi komo direktor general di Juan Pablo Duarte VSBO/AGO. Minister di Enseñansa  sra. Rubina Bitorina tambe a hiba palabra i a elogiá e logro aki. Entre e invitadonan tabata presente sr. Martina di S.A.E , Sr. Kleinmoedig direktor interino di D.O.S i sr. Zalm funshonario enkargá ku skolnan VSBO.