WILLEMSTAD – Miéntras ku tur hende tabata selebrando di Dia di Rei, disfrutando di e marshe i ambiente na Renaissance Mall i Rif Fort por a sinti un espektativa haltu pa e kareda riba hilchi haltu. Ya pa algun aña konsekutivo ta tene e popular Stilleto Run, na unda damitanan yen di kurashi ta partisipá na un kareda riba hilchi haltu. Tabata Stephany Elsbeth ku a resultá e ganadó di Stilleto Run 2014, esaki ta e di dos aña konsekutivo ku e ta gana e kareda.  E di dos lugá a bai pa Angelina Elsbeth i terser puesto pa Tiffany Cristina. Tur tres dama a risibí nan premionan for di representante di departamentu di merkadeo Srta. Selina Gumbs. Un biaha mas e Stilleto Run a konta ku un públiko grandi ku a bin presensiá e popular kareda riba hilchi haltu; for di den trempan a konta ku músika i animashon pa despues habri e registrashon i kuminsá animá e damanan pa duna ‘tur ku tin’ durante di e kareda. E área di Renaissance Resort, Mall i tambe Rif Fort a konta ku realmente un dushi ambiente pa klousurá un otro kampaña eksitoso dediká na damanan di Kòrsou.