Fundashon Pro Bista ta organisá su tradishonal Dinner in the Dark. Fundashon Pro Bista ta un instansia parsialmente supsidiá ku e meta pa integrá personanan sin bista i esnan ku limitashon visual den nos komunidat i krea asina mihó kondishonnan di biba i di bida  pa e grupo aki. Buzon, p’asina yega na fondo pa realisá diferente proyekto pa nan klientenan. E aña aki, Fundashon Pro Bista ta kumpli 15 aña i nan ke pone énfasis riba esaki. Den e 15 aña nan ku a pasa nan a logra yega na 15% di e poblashon ku tin problema visual i e meta ta pa por yega na 25% mas. Pa esaki mester di fondo pa por kubri e gastunan. E fondo nan ta sirbi pa hasi e Fundashon mas konosí den komunidat i asina yega na e klientenan ku Pro Bista ke alkansá. Ademas ku e fondo nan rekoudá Pro Bista ta logra hasi mas ku e klientenan i bira tur dia di nobo mas profeshonal. Tambe Fundashon Pro Bista ta organisá diferente fundraising den e luna pa yega na mas fondo. Un di e aktividatnan ku Pro Bista ta organisá ta Dinner in the Dark. Esaki ta un aktividat kaminda ku bo por eksperensia e mundu di un persona ku no tin bista. Ta un eksperensia úniko ku bo no por pèrdè. Ta bai tin un Dinner in the Dark dia 7 di ougùstùs. Esaki ta konsistí di 3 plato, i bar lo ta habri. E ta kuminsá 7 or di anochi. Dia 21 di ougùstùs ta bai tin un tremendo Happy Hour in the Dark. E dia aki lo ta bai tin diferente snacks  i bar lo ta habri. E ta kuminsá 7 or di anochi. Si bo ke eksperensia algu úniko, tuma kontakto ku Fundashon  Pro Bista pa mas informashon i pa inskribí bo mes. Bo por yama na 737-9222 of 737-4020. Tambe por manda un e-mail na info@probista.com. Inskribí lihé pa bo no keda afó. Sigui krese ku nos!