Durante wikènt di 1 i 2 di aprel lo tuma luga e torneo Baseball5 yamá Curaçao Open Baseball5 Championship. Inskripshon ta habrí pa tur persona i ekipo ku ke partisipá.

Baseball5 ta un vershon urbano di beisbòl ku ta wordu hungá riba speed, ku un bala di rubber i ta rekerí di tiki material kual ta hasi e deporte aki fasil i aksesibel pa un i tur.

Ekiponan formá dor di 5-8 hungado, konsistiendo di un mix di hungado maskulino i femenino, lo por demonstrá nan abilidat den bateo, fildeo i korementu di base.

Inskripshon ta kosta solamente ANG 50 pa ekipo. E ekipo ganadó lo risibi un premio di 500 ANG, mientras e di dos luga lo risibi un premio di ANG 100.

Tur kos ta indika ku e wikènt aki lo bira unu eksitante pa tur partisipante i bishitante.
Lo bai tin bar i kushina bon di stock pa partisipante i bishitante disfrutá durante e wikènt aki. Ta verwagt un torneo ku kompetensia fuerte i ku hopi partido eksitante.
Ahinda tin espasio pa persona i ekiponan ku ke partisipa/

Bishita nos pagina nan social pa registrashon of pa mas informashon:

IG @baseball5_curacao

FB Baseball 5 Curaçao