WILLEMSTAD – 26 DI YUNI, Pa promé biaha Kòrsou ta djòin e selebrashon mundial di ‘Social Media Day’, un movementu ku a keda lansá na 2010 pa Mashable komo un manera pa rekonosé e revolushon digital ku ta tumando lugá. D&I ta tene e selebrashon aki dia 30 di yüni próksimo 6’or di atardi na Museo Maritímo Kòrsou. Entrada ta grátis. Tur aña, miles di hende ta organisá eventonan mundialmente na e okashon aki. Di Oustralia pa Filipinas, te na Sri Lanka i Costa Rica, paisnan ta bini huntu dia 30 di yüni pa selebrá.! Aki na Kòrsou, D&I Business Support Services a uni forsa ku partnernan dediká i dinámiko pa trese un evento diferente yamá: #Siguimi. 13 presentadó talentoso i dinámiko lo elaborá riba e poder, desafíonan i oportunidatnan di ‘Social Media’. Kada seshon lo dura 15 minüt i tur presente por djòin e kombersashon uzando Twitter, Facebook i nos LiveStream ku e hashtag #Siguimi. E presentadonan lo sòru pa tur hende keda entretení.! E presentadonan ta: Nevita Mezas, Deva-Dee Sillie, Lysayé de Windt, Gino Jacobs, Guido Rojer Jr, Samari Barriento, Nohraya Godfried, David Mitchell, Gwendell Mercelina, Lars Sang Boom, Elizabeth Francisco, Daniël Corsen Jr i Levi Silvanie. MC di e event lo ta: David Clementina.! Tur hende ku afinidat pa teknología, inovashon i e mundu di ‘Social Media’ ta invitá. Banda di e seshonnan, lo tin tempu pa e ‘happy hour’ klásiko kaminda bo por sosialisá sin mester hasi esaki via di un pantaya.! Partisipashon na e evento aki ta kompletamente grátis i registrashon por tuma lugá via di: www.smdaycuracao.com. Kuponan ta limitá! Kòrda sigui e página di Facebook ‘Social Media Day Curacao’ pa bo keda na altura di tur loke ta sosodé.!
Registrá awor i trese algun amigu/ kolega: www.smdaycuracao.com Kompartí esaki via ‘Social Media’ – hashtag #Siguimi Pregunta? Yama Jedrek Magdalena of Zaidi Hasham na: 737-2025