Cpost International N.V. ta lansa su kampaña di pago di impuesto riba vehíkulo…

WILLEMSTAD – Den su afan pa brinda un servisio kompletu na su klientenan, Cpost International N.V. un biaha mas ta ofresé e posibilidat pa paga impuesto riba vehíkulo na tur su filialnan. Klientenan di Cpost International N.V. por pasa na filialnan na Groot Kwartier, Otrobanda, Sta. Rosa, WTC òf Punda pa paga nan impuesto riba vehíkulo di 2018. Pa hasi esaki, tur kliente mester trese:

• Komprobante di pago di impuesto di 2017
• Keuringskaart bálido
• Komprobante di seguro di outo bálido

Klientenan ku hasi uzo di e servisio aki ta partisipá outomátikamente na un rifa kual promé premio ta e montante ku a ser pagá na impuesto riba vehíkulo huntu ku seguro di outo, te na un montante máksimo di 1500 florin.

Tambe lo saka kada 2 siman diferente premionan atraktivo. Pa mas informashon por subi nos website: www.cpostinternational.com Di e forma aki Cpost International N.V. kier sirbi su klientenan aun mas mihó.