Profeshanalisashon mas leu di servisionan di seguridat

WILLEMSTAD – E anterior ofisial di polis i di Wardakosta, Paul de Kloet, a bira ko-akshonista di e empresa di seguridat Securitas (Antias). E último tres añanan señor De Kloet a forma parti kaba di e tim di maneho di Securitas, despues ku for di 2005 ya el a okupá posishonnan ofisial aki na Kòrsou.

Paul de Kloet

Entrante novèmber e aña aki Paul de Kloet a bira akshonista den e empresa. Na Hulanda el a bai e akademia di polis i e tin mas ku 30 aña eksperensia ekstenso den e trabou polisial. For di 2005 Paul de Kloet ta trahando na Kòrsou ora komo alto inspektor nan a pon’é den e tim di maneho di RST (Recherche Samenwerkingsteam). Di 2011 te 2015 el a fungi na Wardakosta komo hefe di ‘Steunpunt Curaçao en Bonaire’. Na 2015 el a hasi e traspaso pa sektor privá komo Gerente General di Securitas. Komo akshonista awor e ta, banda di Guido Kibbelaar, General Managing Director na Securitas. Jeroen Kibbelaar ta e di tres akshonista.

Securitas

Na 1981 èks-gezaghèber Anno Kibbelaar defuntu a lanta na Kòrsou un sukursal di e kompania Britániko Securicor International. Na 1988 señor Kibbelaar a sigui riba su mes bou di e nòmber Securitas Antias, despues di a kumpra e parti di e ko-propietario, e empresa multinashonal Britániko. Su dos yu hòmbernan a ekspandé e negoshi te loke e ta awendia. Nan ta forma e gerensia di e tres empresanan ‘Securitas Antias’, ‘24/7 Wegenwacht’ i ‘Impacto’. E último aki ta fiha riba outsourcing, atkisishon & selekshon, payroll services i servisionan di limpiesa.

Profeshonalishon
Bou di guia di Paul de Kloet Securitas ta ehekutando un trayekto di profeshonalisashon mas leu di su servisionan di seguridat. E vishon i ambishon di e empresa ta pa na un forma inovativo keda mehorá su servisio i kalidat. Ku su 350 kolaboradornan mientrastantu Securitas ta fiha den su servisionan di seguridat spesífikamente riba monitoriá alarma na vivienda, negoshi i gobièrnu for di su sentral moderno di servisio 24 ora pa dia. Ademas Securitas ta spesialisá den seguridat di patruya móbil i seguridat físiko, posishonando Professional Security Guards na vários sitio na Kòrsou. For di e aña aki Securitas ta brinda tambe tareanan di seguridat pa persona pa diferente kliente, i patruyahe pa e tim di Securitas riba baiskel. Ku hopi atenshon pa integridat den su organisashon, Securitas ta un partner profeshonal di seguridat. Esaki ta kuadra bon ku e tendensia ku ta mira internashonalmente pa laga sektor partikular ehekutá sierto tarea di gobièrnu. Por ehèmpel, sierto tarea ku awor polis ta hasiendo, e sektor partikular di seguridat por hasi di un forma mas efisiente. “Den esei Gobièrnu mester por konta ku empresanan di seguridat íntegro i profeshonal komo partner den seguridat”, segun Paul de Kloet.