Blue Bay ta invertí den seguridat!

Willemstad – Na Blue Bay seguridat ta na promé lugá, paso ora bo biba den un paraiso bo mester sintibo trankil den un ambiente dushi.

Awor Blue Bay Security tin un kolekshon nobo di vehíkulo ku ta konsistí di 4 pikòp di marka Volkswagen Amarok nobo nobo. E pikòpnan a wòrdu pegá ku steker den stail i kolo di Blue Bay Security i por rekonosé nan mesora. “Blue Bay goes VW!” asina Firas Baroud di Volkswagen Curaçao a bisa. “E Amarok ta bon pa tur tipo di tereno i por hasi tur klase di trabou, pa un departamentu di seguridat ku ta responsabel pa un tereno grandi manera esun di Blue Bay no tin un mihó pikòp pa e trabou”, segun Baroud di VW Curaçao. E pikòp Amarok 2017 ta un pikòp hopi fuerte, ku ta mas ku kapas pa hasi trabou grandi i fásilmente por bai kontra kualkier reto.

Sepp Koster, propietario i CEO di Blue Bay, a enfatisá kon importante seguridat ta pa esnan ku ta biba na i ta propietario di Blue Bay, “E ta algu krusial na momentu di hasi un desishon pa kumpra un kas, esei ta konta na Kòrsou i na henter mundu”. P’esei e desishon pa invertí den e pikòpnan VW Amarok nobo ta unu lógiko pa Blue Bay. Koster ta konta tambe ku e tim ta tene kontròl di velosidat i ta duna atvertensia pa parker malu. “E ta zona straño kisas ku nos ta hasi esaki den Blue Bay, pero tur e kosnan aki ta aspekto ku ta kontribuí na krea un ambiente sigur pa un i tur. Di esnan ku ta biba aki te na e turista, di esun ku ta hunga gòlf te na e empleado… tur hende ta benefisiá”.  Ku e pikòpnan atrobe ta hasi un paso mas i den e temporada benidero lo keda invertí den seguridat i lo keda pone tur atenshon den protehá e ambiente dushi i sigur pa esnan ku ta biba na Blue Bay, pa propietario di Blue Bay òf simplemente pa esnan ku ta bishitá Blue Bay.”