Willemstad- SEPT- 2014: E programa di televishon lokal ‘Dun’é un Chèns’ presentá pa Sra. Antoineta Dap a selebrá su 10 aniversario. Komo un programa ku den transkurso di añanan semper a duna un chèns na esnan ku ta den nesesidat a skohe pa hasi e selebrashon di e 10 aniversario unu realmente spesial. Pizza Hut ta kompartí e pensamentu ku e programa tin, i a kontribuí na un manera spesial na e selebrashon. E bèrdat ta ku sin invitado no por tin un selebrashon. Asina por hasi menshon ku ‘Dun’é un Chèns’ a invitá muchanan di vários internat i kasnan di wèrfano pa pasa un dia plasentero na LaPalapa Papito. Pizza Hut a hasi un aporte di 575 slais di Pizza ku e muchanan a disfrutá inmensamente di dje. Tabata un momentu agradabel pa wak e muchanan sosialisá, rekreá i alabes kome i bebe nan barika yen. Pizza Hut ta kontentu di por a sostené e proyekto aki i yuda realisá un atardi kontentu pa mas di 500 mucha. Pizza Hut ta felisitá Sra. Antoineta Dap i su programa ‘Dun’é un Chèns’. Riba fotonan athuntu algun impreshon di e selebrashon di e programa ku resientemente a tuma lugar.