Siegraida Martina premiá pa su ekselente servisio na kliente

Willemstad- Resientemente Pizza Hut a premia e servisio ekselente di Siegraida Martina. Pa e último aña i mei, Siegraida su amabilidat tabata kontagioso pa su demas koleganan. Maneho di e restorant ta kere ku ta masha importante pa rekonosé esfuerso di koleganan sobresaliente. Siegraida Martina, ‘waitress’ na Pizza Hut Saliña a wòrdu rekonosé dor di su superiornan e siman aki,”Siegraida ta masha amabel, semper ku un sonrisa i un aktitut positivo. E mas importante den su liña di trabou, ta ku e ta ofresé un bon servisio na nos klientenan”, esaki di akuerdo ku e tim di maneho di Pizza Hut Saliña.

Siegraida a risibí un sertifikado di regalo di Rodeo Restorant komo muestra di apresio i gratitut pa tur su esfuerso i disiplina na trabou. Riba foto athuntu por mira Desi Martina i Emilson Kirindongo di e tim di maneho di Pizza Hut entregando e sertifikado di regalo na Siegraida Martina (pará mei mei den e foto). Masha pabien!