Pabien na Rumichel Marchena i Furgell Wijngaarden

Willemstad- Pa algun aña kaba, Hucor su restorantnan ta brinda nan aporte na e fiesta di Seú. E aña aki Pizza Hut a duna un man pa tres hóben por a partisipá na Kantadó Mayó, dos di nan a resultá den final. Por hasi menshon di e ganador apsoluto, Rumichel Marchena i su partisipashon huntu ku HPA “Brasa Pa Seú” i tambe Furgell Wijngaarden huntu ku Hóben na Timon ku su seú “Kòrsou ban brasa e chapi pa nos traha” ku a resultá na di terser lugar.

Seú den transkurso di añanan a bira un di e marchanan di mas grandi i e tin su importansia pa nos kultura. Pizza Hut un biaha mas ta konfirmá su kompromiso ku e kultura di Kòrsou, meskos ku a sosodé anteriormente. “Nos ta masha orguyoso di e hóbennan ku a partisipá, esei ta mas importante ku gana. Partisipashon ta engrandesé e festival i ta garantisá kontinuidat”, esaki di akuerdo ku representante di Pizza Hut. Pa selebrá a ofresé ámbos yònkuman un sena na Pizza Hut.