…gana komestibel na balor di 500 florin…

WILLEMSTAD:- E karchi di yamada internashonal ‘Plus’ ta introdusí nan karchi nobo di 5 florin ku un kampaña fenomenal pa tur su klientenan. Te ku 24 di aprel próksimo tur kliente tin chèns di gana komestibel na balor di 500 florin kortesia di supermèrkado Mangusa. Durante di e kampaña lo saka 2 ganador respektivamente; un dia 23 di mart i e otro dia 24 di aprel. Klientenan lo mester depositá 2 karchi di yamada di 5 florin òf 1 karchi di 10 florin, esaki huntu ku e kupòn riba kual a yena nòmber, number di telefòn i otro detaye ku ta wòrdu rekerí pa por partisipá. Por depositá esaki na Radio Shack, TeleNeeds, Sai Digital na Hypermarket i Saliña, Buzz Me, Nexus Computers i na Connections den Punda i Otrobanda. E karchi di yamada internashonal ‘Plus’ ta animá tur usuario pa partisipá aktivamente den e kampaña i gana 500 florin na komestibel na supermerkado Mangusa. Papia mas, pa ménos sèn manera ku e lema di ‘Plus’ ta bisa. Pa e kampaña aki tin kondishonnan aplikabel; promoshon ta bálido te ku dia 24 di aprel próksimo.