En konekshon ku e ola di kriminalidat ku diariamente ta asotando nos isla, gerensia prekupá pa ku seguridat di trahadónan di Stichting van het Wit Gele Kruis voor Thuiszorg “Prinses Margriet”, a aserká Kuerpo Polisial pa duna algun training na personal pa sa kon mester aktua den situashonnan indeseá ku tei i /òf por presentá.

Den e kuadro aki, departamento di Komunikashon i Prevenshon di Kuerpo Polisial Kòrsou a duna diferente training/ charla na un kantidat grandi di personal di Stichting van het Wit Gele Kruis voor Thuiszorg “Prinses Margriet” durante periodo di 5 pa 15 di sèptèmber último. E informashon ku e partisipantenan a haña tabata hopi spesífiko i a pone hopi atenshon riba aspektonan preventivo, proseduranan di trabou i e forma di aktua si algu indeseá sosodé.

Gerensia i personal ta hopi satisfecho ku e manera profeshonal ku a duna e training i ta sigur ku e informashon ku e partisipantenan a haña lo kontribuí na alsa nan seguridat tantu na kas komo durante ehekushon di nan trabou diario. Un danki speshal ta bai na Kuerpo Polisial, ku den un tempu rápido a sa di informá nos personal debidamente. Stichting van het Wit Gele Kruis voor Thuiszorg “Prinses Margriet”