…Djadumingu último…

Willemstad – Djadumingu 27 di Sèptèmber a tuma lugá apertura di ‘Kids Party Center’ ubika riba Gosieweg #58. Kòrsou por ta orguyoso di otro empresario hóben ku a depositá su konfiansa den su isla. Ta trata aki di e hóben Gryhaina Bertram huntu ku sosten di su mama.

Den un ambiente festivo di mucha a tene e seremonia ofisial pa habri portanan di ‘Kids Party Center’ e UNIKO ‘all inclusive party center’ na Kòrsou. Esaki ta un eskoho perfekto pa tur mayor ku ta deseá di organisá e fiesta ideal pa nan yu pero sin tur e doló di kabes di organisá esaki nan mes. ‘Kids Party Center’ ta organisá bo fiesta manera bo ta deseá i na midi di bo pòtmòni. “Semper mi tabata gusta organisá fiesta di mucha i despues di a analisá merkado bon mi a disidí di kuminsá ‘Kids Party Center’ ku sosten di mi mama. Esaki ta e sitio pa hasi soño di un mucha bira realidat i alabes komplasé e hende grandi ku ta anhelá un lugá adekuá pa su evento/selebrashon tambe”, esaki di akuerdo ku Gryshaina Bertram Direktor di ‘Kids Party Center’.

Tur esnan ku ta deseá mas informashon di ‘Kids Party Center’ por bishita e página di Facebook www.facebook.com/kidspartycenter/ òf yama 524 0939/ 682 7427. Si ta deseá di manda email por hasi esaki na; kidspartycenter@hotmail.com.