For di den fin di siman caba trabounan a cuminsa pa loke ta e prepacionan di e sitio unda cu Flip Flop Festival 2017 lo tuma lugar. E anochi principal lo ta diasabra dia 1 di April unda cu e beach di Bushiri ta wordo transforma completamente den un arena.

Diferente team di logistica a cuminsa traha pa por prepara e tereno incluyendo heki, bar, entrada y e escenario. E parti di produccion ta den man di Elite Productions & Entertainment. E trabounan ta andando pa aproximadamente 20 ora pa dia.  Na e momentonan aki e schema di produccion ta bayendo manera programa unda cu diahuebs caba lo por mira mayoria parti di e sitio completa. Un ekipo di mas di 200 persona lo ta envolvi tanto prome, durante y despues di e festival.

Ta importante pa comunica cu e caya dilanti di e arena lo ta sera na tur dos banda pa trafico. Ta recomenda pa por parkeer auto den e cayanan paralelo cu L G Smith Boulevard y den e areanan unda e diferente supermercadonan na Eagle ta ubica.

Pa loke ta e parti di ticketnan di e festival esakinan ta bayendo hopi rapido y ta premira cu e seccion di standing VIP lo ta un sold out proximamente. E seccion di mesa ja ta completamente bendi for di dos siman pasa. Por cumpra ticket na  Chill Logo Store situa den Renaissance Market Place dilanti Seaport Cinemas,Citgo Palm Beach, Citgo Boulevard, Citgo Santa Cruz y Citgo Essoville..
Banda di e festival diasabra mes lo tin tambe opening party ariba Diabierna na Emotions Nightclub unda lo tin presentacion di Shermanology for di Hulanda y varios dj local y internacional. Diasabra lo ta e concierto mes riba Bushiri Beach Arena y diadomingo lo tin e Chill Down Pool party na Rennaissance Hotel cu Dj Outkast y algun sorpresa internacional..