Willemstad – Pa di seis aña konsekutivo Estreno MAS Pikete(EMP) lo tei pa selebra huntu ku pueblo di korsou den karnaval 2018! Mane a bira un kustumber kaba Estreno MAS Pikete lo tei ku hopi ambiente, inovashon I creatividat. Djadomingu anochi último Estreno MAS Pikete a presentá nan trahenan , diferente i impaktante ku nan lo desfilá kun’é den karnaval 2018. E trahe ta bunita, luhoso i trendy, I ku un prèis pagabel pa un i tur por partisipá I yuda engrandese nos karnaval! Den un presentashon di trahe pa publiko den Riffort, Estreno MAS Pikete a revelá nan tema ku ta unu ku ta pone tur hende den marcha pero tambe na kantu, bula di alegria mane e kabai buladó ‘Pegasus’!

Representando Pegasus den e mitelogia di Gresia e miembronan di EMP lo baila, gosa I bula sin fin den e kayanan di nos dushi korsou. Un danki ta bai espesialmente na disenjadó Juan Carlos Padrino I Sra Rudt Sintiago ku semper tin nan Disenjonan ku ta hala atenshon. Mane nan ta bisa ‘ Never change a winning team’ E aña aki EMP lo bai un biaha mas ku su dos bandanan di aña pasá, esta nan banda di kas Dreams ,e banda Dolce I tambe nos DJnan. Tur hende ta kustumbrá ku tur aña di nobo tin inovashon. Por spera esaki e aña aki tambe. EMP ta un famia ku tin
ambiente, kalor I Hopi Creatividat!

EMP ta invita’bo pa like nan facebook page “Estreno Mas Pikete” pa asina tur hende por keda na altura di tur e trabounan rumbo pa Karnaval 2018. Pa mas informashon por subi nan website: www.estrenomaspikete.com of por manda un meil na estrenomaspikete@gmail.com.