WILLEMSTAD — Resientemente un delegashon di AVA Airways Curaçao a realisá un bishita serka Presidente di hunta di supervishon di Ofisina di Turismo di Kòrsou, Sra. Jeanette Bonet. Na e okashon aki, chairman di AVA Airways, Sr. Olivier Arrindell a hasi un presentashon di e businessplan na Sra. Bonet. Na e okashon aki, Sr. Arrindell a mustra kon e plan pa bini Kòrsou a kuminsá, kaminda e kier bai krea un triángulo den Latino Amérika ku mester move pasahero entre Karibe, Sentro i Sur Amérika, un área ku tin hopi pasahero. Konforme e businessplan, Kòrsou lo bira un hub di distribushon di pasaheronan tantu pa islanan den Karibe komo tambe Sentro Amérika. Despues ku Sra. Bonet a haña un splikashon amplio i tambe a hasi pregunta riba esaki, e Presidente di hunta di supervishon a mustra su apoyo pa e proyekto aki, sigur mirando ku Kòrsou i hotèlnan ta yorando pa airlift pa Kòrsou.