Despwes di hopi luna di trabou i preparashon asisti dor di diferente bon artistas di Spanje i di Kòrsou por fin e tan espera C.D. di Tony Sherman ta kla. “Keda den mi brasa” a bira e titulo di e C.D. aki ku ta karga 9 bunita kanshon manera pa djies menshona algun: Por fabor bisele, Keda den mi brasa, Kon e ta, Un amor speshal,  Bo kara i Awe mi ke ta dibo. Tradukshon di e letra a worde hasi dor di e konosida Cheryl (liesje) Lispier kende a hasi un gran trabou. E produktor prinsipal ta Tony Sherman mes kende a worde asisti dor di varios bon musiko di Spanje i dor di Ringo Seinpaal, Kenneth Sherman i tambe Dorothy i Andy Sherman. Hasta un mariachi a worde usa pa un bunita kanshon mexikano, Mi ta adorabu Pues e C.D. presioso aki di e grandi i simpatiko kantante di Kòrsou Tony Sherman no mag falta den bo kolekshon