Dianan 3 y di Òktober na Aruba
Djabièrnè dia 3 y Djasabra dia 4 di Òktober Aruba lo ta sede di e ocho Caribbean Sea Jazz Festival cu ta primintí di kibra tur record. Cu un cartelera di artistanan manera Liv Warfield & NPG Horns, Prince Royce, Candy Dulfer y mas esaki no lo ta un duda. E evento ta tuma lugar riba tres esenario riba e tereno di Renaissance Hotel Aruba. Durante un konferensha di prensa na Renaissance Rif Fort y Salt & Pepper organisadó Erik Jan Eman a elaborá riba e di ocho edishon di e festival. Nan ta kontentu ku e festival a sa di krese kada aña y sigur tambe e kantidat di bishitante for di Kòrsou ku ta biaha pa Aruba durante dicho fin di siman. E prome anochi di e festival Aruba lo haya e presentacion di Prince Royce, Grupo Gualao, Shuffle Demons, Ryan The Harte, Sazon Cubano, Weapons of Mass Percussion, N Fuzion, Kross-Hart Project, School of Music Ensemble y Alydia Wever e relashonista públiko Mark Benson Denz a informa. E di dos anochi lo ta riba e escenario Liv Warfield & NPG Horns, Candy Dulfer, Eric Calmes & Friends, Jazzanova Dj Set, Richard Bona Quintet, Tsunami, Down Town Dixie Society, Charles Brouwers y Chencho Kelly. Speshalmente pa tur persona na Kòrsou e karchinan ta optenibel na Salt & Pepper situá den Rif Fort y tambe online via caribbeanseajazz.com. Amayra Boekoudt di Aruba Tourism Authority komo patrosinador prinsipal ta orguyoso di forma parti di e festival aki mirando e personanan ku ta biaha bin Aruba y e publisidat ku Aruba ta haya den eksterior. Tita Iglesias di Insel Air kende a duna di konosé ku nan ta disponibel ku vários buelo diario for di Kòrsou pa Aruba pa hiba e interesadonan di festival. Tambe Janien Huistra di Renaissance Aruba a kompartí ku ainda nan tin algun lugá disponibel pa por akomodá e tur bishitante. Lindormar Henrietta di Eso-Cur.com a gana un pasashi ku estadia pa Aruba pa kubri e festival den un rifa entre prensa di Kòrsou. Kòrsou ta keda kordialmente invitá pa asina disfrutá di un fin di siman úniko yena ku hopi músika, arte y gastronomia durante e di ocho edishon di Caribbean Sea Jazz Festival Aruba.
