Djabierne 2 di Maart lo bai tin e inskripshon pa e tradishonal kompetensia di Tenis pa nos muchanan; kual ta e di 15 aniversario di e torneo di tenis ”PRO-KiDS” Patrosiná pa Changes Pro-Sport.

Aña pasa e torneo aki ta konta ku partisipashon  di alrededor di 100 tenistanan hubenil  ku a kompeti den kategoria U8,U10 i U12. E torneo mes lo kuminsa djabierne 9 di Maart i lo kontinua Djasabra pa termina Djadumingu 11 di Maart na CSC na Damacor. Lo bai tin supervishon na kada kancha pa gia e hoben nan ku menos experensia, pa aplika e reglanan di tenis korektamente. Francis Hoyer lo ta kordinador di e torneo aki i ela bin ta hasi esaki bow di patrosinio di ProSport ku ta e spesialista den tur artikulo di deporte en general i tenis en particular. E aña aki tambe ProSport huntu ku Wilson Internacional, Fun milies, Merrell, MCB I Manrique Capriles lo bai pone poko premio aktraktivo disponibel pa stimula e hoben den e deporte aki.

Pa mas informashon di e torneo aki por yama Francis Hoyer na 5102645.