Willemstad 30 di òktober 2014 – For di djarason mèrdia mas òf ménos 1:15, UTS a konfrontá problema tékniko imprevisto riba su plataforma di mobil i relashoná ku esaki e servisio di Chippie a keda afektá.  Klientenan di Chippie na Kòrsou, Boneiru i tambe Sint Maarten, e parti hulandes, no por a hasi, ni risibí yamada te ku den oranan trempan di anochi. Mayoria kliente por a hasi uso di nan data si. Mas den transkurso di anochi, tur kliente por a hasi yamada si, pero no ta tur por a risibí yamada. Klientenan ku no por hasi yamada ainda, mester paga i sende nan telefòn bèk. Téknikonan lo sigui traha riba e problema aki, p’asina optimalisá e servisio di Chippie i tambe pa sa ta kiko e kousa tabata eksaktamente. UTS ta lamentá e suseso aki, kual ta unu totalmente imprevisto i ta pidi su mas sinsero diskulpa pa e inkumbiniensia ku esaki ta okashonando.