WILLEMSYAD — Direktiva di AMAK despues di a analisá vários opshonnan pa produsí Festival di Tumba 2018, a yega na un akuerdo ku Tele Curaçao. Ta bon pa enfatisá ku aki no ta trata di un akuerdo pa transmishon, sino pa yega na un señal mas limpi i efektivo posibel ku por sirbi esnan ku ta interesá pa transmití via Televishon lokal i internashonal i tambe pa Pay Per View. E paso aki tabata sumamente nesesario pa AMAK tuma, ya ku tur e kompanianan ku a keda aserka pa un eventual partisipashon komo Branding Partner, ke tin siguransa ta kua kompania ta hasi e produkshon.

Pues for di awor aki, lo deliberá ku esnan ku ta interesá pa tuma e señal aki. Ta bon si pa remarka ku te na e momentunan aki AMAK no por garantisá un transmishon openbroadcast riba e dia final, ya ku esaki ta dependé di e kantidat di branding Partners ku ta nesesario pa por realisá e transmishon na aire liber. Finalmente AMAK ke gradesí Gerensia di Tele Curaçao  pa e forma ku a negosiashonnan a tuma lugá pa por a yega na formalisashon di e akuerdo di produkshon. Festival di Tumba 2018 ta bira grandi.

Direktiva di AMAK