‘OFFICE 365 Cloud’ ta yuda Garage Cordia spar tempu I sèn

Willemstad—“Microsoft Office 365 a benefisiá ami i mi kompania”, ku e palabra nan ei Edward Schnog, direktor di un di e agensia nan di outo mas prestigioso I mas eksitoso na Kòrsou, Garage Cordia, a kuminsá su entrevista. “Mi a eliminá e server ku ta trese hopi doló di kabes. Ku e programa aki tur mi programanan di Microsoft, manera Outlook I Word, ta wòrdu salba riba e Cloud I ora mi ta fo’i tera ta fásil p’ami por tin akseso na tur e programa nan ei”. E programa a yuda Garage Cordia spar sèn I a yuda oumentá nan produktividat E la splika ku e programa aki, e no mester di usa un VPN pa konektá na su mail ora e ta biahe, ku ta spar tempu I ta hopi mas konfiabel. “Ta fásil pa oumentá mi memoria riba e Cloud òf mi speed ku e programa aki. Tur loke mi mester hasi ta tuma kontakto ku Infrotrans anto nan ta sòru pa e wòrdu hasi mesora”, Edward a bisa. I tambe, e la yuda Garage Cordia spar hopi sèn na koriente pa motibu ko no tin nodi di tin un server ku mester ta den den un espasio friu. Office 365 ta un instrumentu di produktividat. E ta lagabo krea, kambia, i kompartí kos ku bo PC òf MAC òf bo iOS, Android òf bo devisanan di Windows ku ken ku bo ke anto ki ora ku ta. Ku 1TB di memoria pa usado, e programa aki tin lugá pa tur bo filanan. Ku fail warda online, bo tin e posibilidat pa komparti nan ku tur hende paden I pafó di bo kompania, di e kaminda ku bo ta trahando na e momentu ei, I ki ora ku bo mester. Tambe e ta ofresé video nan HD pa ‘multi-party’, kompartimentu di kontenido, I kalendario kompartí.. Representante di Microsoft na Kòrsou ta Infotrans. E direktor di e kompania ta masha kontentu ku tur di e reakshonnan ku e l risibí di su klientenan. “E produkto aki ta ofresé kompanianan na Kòrsou e oportunidat pa e usa un programa ku ta yuda nan spar sèn I oumentá nan produktividat”, esaki ta akuerdo ku Sr. Arjan Keijzers, direktor di Infotrans. Adishonal, Office 365 ta yuda kompanianan konektá mihó ku nan klientela pa medio di vários instrumento di komunikashon, manera emails I IM pa network sosial I konferensha di video.