WILLEMSTAD – Djarason atardi a risibí e promé grupo di hürdó di unidat den Sambil Curaçao den un ambiente informal ameno ofresiendo algu di bebe i di ches. Esaki tabata un oportunidat tambe pa e futuro hürdónan sera konosí ku otro i ku e integrantenan individual di e tim di Sambil. Den un diskurso kòrtiku Gerente General Jonathan Cohen a hasi un apelashon riba nan den e 120 dianan ku a resta pa hasi tur loke nan por pa prepará nan unidatnan di moda ku den e último siman di mart 2015 huntu nan habri nan portanan pa e klientenan. Sambil a hasié un kustumber pa mantené un bon relashon ku tur hürdó – si kos bai bon pa e hürdónan, Sambil tambe ta bai bon. E pensamentu simpel i pragmátiko aki nan ta hiba. Sambil Curaçao lo brinda pueblo di Kòrsou i esnan ku ta bishitá e isla aki un konsepto nobo di goso di hasi kompra i dibertishon nunka bisto.