Alumnonan di AGO Comanchestraat a sa di titulá sup kampion den e torneo di futsal intereskolar. Birando kampion nan lo a haña e oportunidat di bai di biahe pa kompetí i amplia nan horizonte. Sinembargo ku aporte di Banco di Caribe / Ennia huntu ku Captain Don’s Habitat Bonaire e hobennan a haña nan ticket, seguro i alohamentu pa un fin di siman deportivo i ameno na Boneiru. Siendo aya nan hunga algun wega amistoso i tambe konosé e isla di flamingo. AGO Comanchestraat komo skol di fishi mes a kushiná i bende kuminda pa kubri gastunan di konsumo i transporte. 

E hobennan aki a demostrá un bes mas ku riba tereno di deporte i fishi (kushinamentu) nan no ta hasi wega i ku aporte di nan dosentenan i sponsornan nan ta bria komo hoben. 
 
Riba foto momento ku direktor di Banco di Caribe Sr. Simon i representante di Ennia Sra. Pinedoe ta hasi entrega di t-shirts i algun bala. 

Ta sigur di aploudí ku un skol no ta sinta ketu i lamentá pero den su posibilidatnan ta move i krea medionan pa yega na kristalisá sierto di su metanan.