ORANJESTAD, Aruba – 28 di october 2015: Cuerpo Policial tabata presente na Expo Cas 2015 cu un booth y diferente demostracion di e trabao di varios unidad. Nan a comparti hopi informacion importante tocante di prevencion di crimen, incluyendo con pa haci e cas mas sigur pa prevencion di ladronicia, y a invita muchanan pa saca potret banda di e Seadoo nobo di Polis Maritimo. A conta cu presencia di Recherche, Maritieme Politie, e team di Trafico, Polis di Bario y e team di Comunicacion y Prevencion. Tambe nan a duna informacion tocante di Ley di Cacho, pa cual e control tambe ta cay bao di Cuerpo Policial. Naturalmente e topico principal di hopi intercambio cu publico tabata con pa provee e miho proteccion contra ladronnan cu ta busca pa horta rond y den cas. Cuerpo Policial ta participa durante henter aña na diferente accion, evento y demostracion cu ta trece nan mas cerca di publico, y ta oportunidadnan unico pa nan subraya e parternship entre Polis y comunidad pa cu prevencion di crimen, como tambe siguridad en general. Cuerpo Policial ta gradici tur persona, adulto, hoben y mucha cu a pasa cuminda nan durante di Expo Cas. Un danki grandi ta bay tambe na Clayton y Stanley Brown pa e oportunidad y e amabilidad di tur aña , na Rosetty Eleonora y colega di Perfect Team Event Planners y na Kofung Ho di High Performance pa laga e booth di Cuerpo Policial resalta un biaha mas.