CAB (Curaçao Atletiek Bond) ta organisá kareda popular

Willemstad – djabièrnè, 2 di sèptèmber 2016: The Eagles huntu ku RBC Royal Bank, e spònser prinsipal, a tene un rueda di prensa awetardi kaminda a anunsiá e kareda popular ‘Wechi Run 2016’. E aña aki e evenemento pa tur ku ke kana i kore ta tuma lugá riba djadumingu, 11 di sèptèmber.

Pa 4 aña konsekutivo RBC ta e spònser orguyoso di Wechi Run. Aña pasá mas ku 200 persona a partisipá na e kareda di aña aki. Manera ta kustumber lo guia e partisipantenan den e kayanan di Wechi i den e mondi bunita ku tin den bisindario. Pa e personanan ku ta kana tin un ruta impreshonante di 7 kilometer, i esnan ku ta kore por skohé entre diferente distansja, variando di 250 meter te ku 7 kilometer.

Inskripshon

Partisipantenan por inskribí na RBC (Jan Noorduynweg i Rooi Catootje) i na Vista Bike na Zeelandia. Tambe tin e posibilidat pa inskribí online via e wepsait www.webscorer.com/register?raceid=76246 òf dia 8 di sèptèmber di 17.00 pa 19.00 or na Wechi. Dia 9 di sèptèmber ta sera e inskripshon. Hóbennan te ku 19 aña ta paga 5 florin i adulto 10 florin pa partisipashon.

Registrashon

E kaminata ta kuminsá 07.00 or. Tur partisipante mester registrá promé ku e orario aki riba e dia di e evenemento. For di 05.30 or ta posibel pa registrá. Despues di e proseso di registrashon e partisipante ta risibí un number. E organisashon ta sòru pa sufisiente awa riba e ruta i kada partisipante ta risibí un energydrink ora nan yega e finish.

Tur hende ta partisipá!

RBC i The Eagles ta invitá tur hende pa partisipá na e kareda sumamente popular ku ta e Wechi Run. Atletanan por sera konosí i entrená riba e ruta riba 1 i dia 7 di sèptèmber. Tur klup di atletisimo ta bon biní pa partisipá i kompetí. Sigui e último desaroyonan di e Wechi Run 2016 riba e página di Facebook ‘Eagles Runner’.

Pa mas informashon:

Pa mas informashon tokante e Wechi Run 2016 por tuma kontakto ku Sidney Valks via number di telefon 5691759.