Willemstad – ta ku grato placer RBC a risibí e notisia ku un di e top atleta landadónan di Buladó, Serginni Marten, a obtené un beka kompleto pa bai skol i landa na e presitigioso Indian River State College aya na Florida Merka. Serginni a kuminsá landa ku su a14 aña den un team aki na Kòrsou for di 2008. Na 2009 Serginni a join Buladó swimclub i di einan e la logra manifestá un base solido pa sigui su estudio i sigui desaroyá su prestashon den natasahon riba nivel haltu. Na aña 2013 Serginni ta  despedí di Korsou pa sigui su estudio na Merka kaminda ela keda hasi aplikashon pa risibí  beka. Serginni a logra prestashonnan haltu na junior college. Su  ranking den junior college ta di 2 riba 100 breast yarda i di 3 riba 200 breast yarda.

Serginni huntu ku su mayor nan, klup di natashon Buladó i guia di entre otro coachnan lokal, struktura, disiplina i perseveransia a demostrá ku tur lokual bo ke, bo por logra.
RBC ta felisitá Serginni i famia, i en partikular e famia di Buladó kualnan pa más ku 40 aña a bin ta guía gruponan di atleta hoben tur dia pa perseverá i logra nan metanan.

RBC orguyoso sponser i Buladó Swimming Club ta deseá Serginni tur klasse di eksito pa sigui bai dilanti den bida i sigui ta un modelo pa nos hobentut di Kòrsou.