Willemstad | 24 di Mart 2015 – Den su sukursal na Rooi Catootje, RBC Royal Bank a lansa su kampaña nobo yamá ‘It’s all about YOU’ (ta abo ta konta) awe mainta. Durante e último dos añanan e banko a pasa den un programa di transformashon, diseñá pa dirigí e atenshon riba su kliente i e komunidat ku e ta sirbi. Ku e kampaña di marka nobo aki RBC ta dirigi su atenshon bek riba e nesesidatnan di su kliente. E kampaña a keda lansá den hinter Caribe awe mainta. Durante e último dos añanan RBC no a konsentrá solamente riba kambionan interno i reformashon pa fortifiká e kompania pa futuro; tambe e banko a hasi uso di oportunidatnan pa trese e produkto i servisionan mas mihó i inovativo riba merkado pa por satisfasé  e nesesidatnan di su kliente. RBC ta dediká na logra e metanan di su kliente i e promesa nobo ‘It’s all about YOU’ ta proba esaki. “Na RBC nos ta dediká nos mes tur dia di nobo na sirbi nos kliente di un forma respetuoso i ku kariño. Nos ta tuma e stap èkstra pa ofrese solushon na nos kliente i nos ta trata di logra hasi esaki na manera korekto for di promé instante. Si esaki no logra, nos lo traha duru pa korigí esaki lihé i di forma efektivo”, asina Steven Coutinho, Managing Director di RBC Royal Bank na Dutch Caribbean & Suriname, ta bisa. Pa yuda e kliente krea e futuro ku ta deseabel p’e, RBC ta rekonosé ku trahadónan di RBC ta forma un parti krusial di e kampaña ‘It’s all about YOU’. Pa selebrá i visualisá e promesa nobo aki, tur trahadó di RBC ta bisti un t-shirt blou awe ku e promesa aki riba djé. E ‘YOU’ ku ta referí na dje den e kampaña, tambe ta konta pa e trahadónan. “Nos trahadónan ta mes importante pa nos, ku e kliente. Nos a krea un ambiente motivá kaminda e trahadó ta haña sostén i e ‘tools’ nesesario pa por ehersé su trabou bon i pa konektá, inová i krese den su servisio na e kliente”, asina Coutinho a sigui bisa. E promesa di marka nobo ‘It’s all about YOU’ lo reemplasá e kampaña ‘Strength at work’. Pa mas informashon, tuma kontakto ku Angela Guiamo (Manager Corporate Communications – Dutch Caribbean) na angela.guiamo@rbc.com