Willemstad – Komo parti di un seri di enkuentro organisá pa RBC Business Banking pa su fiel kliente, e banko resientemente a organisá un evenemento kaminda a dediká atenshon na e situashon ekonómiko di Cuba i Venezuela i implikashonnan pa Kòrsou.

E enkuentro aki tabata bon bishitá; sala tabata yen i RBC a keda bon representá. Diferente oradó interesante tabata presente, manera entre otro Marla Dukharan, e oradó prinsipal. Dukharan ta e Group Economist di RBC for di 2009 i ta basá na Trinidad & Tobago. Tambe presente tabata Russell Kopke (Area Vice President di RBC pa Kòrsou i Boneiru) Pierre Rafini (Market Head RBC Business Banking Dutch Caribbean) i Pierrot Hurtado (RBC Country Manager pa Kòrsou i Boneiru).

Durante e seshon informativo diferente tópiko a keda tratá, manera por ehèmpel e krisis ekonómiko ku Venezuela ta aden aktualmente i e impakto di esaki pa Cuba i otro partinan di Karibe. Oradónan di RBC tambe a duna un bista general di e ekonomía di Cuba. A klousurá e presentashon ku un seshon interaktivo di pregunta ku e ekonomista di RBC.

RBC ta wak bèk riba otro seshon informativo ku informashon balioso pa su klientenan. Di e forma aki RBC ke mustra ku e ta kumpli ku su promesa pa ‘help clients thrive and communities prosper’. Regularmente RBC ta organisá evenementonan kaminda e banko ta mustra su apresio na klientenan i ya kaba RBC ta ansioso pa e proksimo oportunidat pa organisá un otro evenemento.