/Kralendijk – 22 December 2016: Resientemente RBC Royal Bank a lansa su app nobo di mobile banking pa smartphone i tablet di iOS i Android pa hinter Karibe. E servisio nobo i inovativo aki ta ofresé fleksibilidat i fasilidat pa klientenan komershal i privá di RBC. Aworaki nan por hasi un transakshon na kada momentu di dia, unda ku ta, hasiendo uso di kualke aparato.

Tambe e banko a introdusí su wèpsait nobo pa Online Banking ku ta optimalisé pa mobile devices p’esei e ta mas fásil pa nabegé. E meta di RBC ta pa krea un solo plataforma digital ku ta ofresé su klientenan un eksperiensha konsistente. Pierrot Hurtado Country Manager Curacao and Bonaire ta bisa: “Nos ta rekonosé e nesesidat di nos kliente pa ku opshonnan di pago digital komo parti di nan servisio bankero diario. Kliente ke por hasi transakshon na un manera fasil i sigur na kada momentu di dia i tur kaminda. E lansamentu di e RBC Mobile Banking App ta un evento memorabel pa nos merkadonan den Karibe i ta forma parti di e meta di e banko pa yuda nos kliente bai dilanti pa forma nan futuro.” Hurtado ta kontinuá: “Nos ke distinguí nos mes dor di ofresé nos kliente produkto- i servisionan ‘leading edge’. Dor di invertí den teknología nos ta aludí pa hasi e mas fasil pa nos kliente  hasi negoshi ku nos na un manera inovativo i ora e ta kumbiní nan.”

E Mobile Banking App di RBC ta disponibel pa kliente ku ya ta hasi uso di RBC Netbank. E kliente por download e app grátis via Google Play òf via Apple App Store. Anteriormente a lansa e vershon Android di e Mobile Banking App na Trinidad & Tobago, Dutch Caribbean i e parti Eastern Caribbean. Mientras tantu mas ku 18.000 kliente a download e app.

Según Pierrot Hurtado e servisio nobo aki ta kontribuí na e “suite” eksistente di e “selfservice channels” di RBC ku ta kapasitá kliente di manehá nan finansas den nan propio tempu na un manera sigúr i rápido. Ku e teknología nobo RBC ta aspirá pa ofresé posibilidatnan bankero total na su kliente, hasiendo uso di kualkier device i ta mehorando su kanalnan digital kontinuamente pa logra e meta aki.

E RBC Mobile Banking App ta ofresé diferente funshon avansá, manera entre otro:

• Kliente por log in i registrá direktamente for di nan aparato mobil
• Añadi benefisiario i manehá e templates di Mobile Banking
• Hasi transferensia (wire transfer)
• Efektuá i aprobá transferensia di kliente empresarial
• Wak eStatements

Durante e último lunanan RBC a hasi invershonnan konsiderabel den teknología. Asina tambe den lansamentu di e Online Payment Solution, EZPay i den e upgrade di e aparatonan di Point of Sale. RBC ta keda desaroyá produkto i servisionan nobo ku ta fasilitá e bida di e kliente. Pa mas informashon, bishitá nos wèpsait: www.rbc.com/caribbean.