Despues di algun siman di remodelashon
WILLEMSTAD, Kòrsou-2015: Despues di algun siman di remodelashon, ayera Digicel Brionplein a habri su portanan un biaha mas pa sirbi su klientenan. Tabata djamars último ku Digicel a habri den forma di un ‘soft-opening’ i ayera a presentá e establesimentu kompletamente remodelá na prensa i algun otro invitado. Durante di un seremonia chikitu, sr. Hans Lute, direktor di Digicel Kòrsou a yama tur hende bon biní i a kompartí algun palabra relashoná ku e trayekto di remodelashon di Digicel su establesimentu na Brionplein. “Esaki tabata e promé establesimentu di Digicel ku a keda habrí 9 aña pasá na Kòrsou. Tabata sr. Denis O’Brien, presidente di Digicel Group ku a efektuá apertura e tempu ei di Digicel na Brionplein, for di e dia ei e filial a bira parti integral di komersio den Otrobanda. Nos ta masha kontentu di por ofresé tur kliente di Digicel Brionplein, un establesimentu kompletamente remodelá”, esaki di akuerdo ku sr. Hans Lute, direktor di Digicel Kòrsou.
Den un akto simbóliko, e representantenan di Digicel a presentá nan unifòrm nobo ku na mes momentu ta ekspreshon di energia nobo. Pa selebrá e reapertura a parti ‘cupcakes’ pa tur kliente i nan tabata tin oportunidat di drei e wil di premio i asina bai kas ku algun premio fantástiko! Mesora klientenan por a eksperensiá e aserkamentu nobo tambe; tur ‘display’ ta sirbi komo un demostrashon di kada un telefon ku ta wòrdu bendí. Ademas di esaki, lo tin algun representante asigná pa yuda kliente ku e.o instalashon di aplikashon, rekargá telefon i otro difikultatnan tékniko ku ta konserní nan telefon di Digicel. Di akuerdo ku ehekutivonan di Digicel, ta e meta pa ofresé kada kliente ku bishitá nan establesimentu na Brionplein un eksperensia plasentero i un servisio rápido.
Pa kompletá e selebrashon riba dia di e reapertura, tabata tin un nochi di kompra te 8’or di anochi na unda ku klientenan por a sea presensiá demostrashon di diferente telefon, hasi pregunta of kumpra un telefon nobo. Tur esaki den bon ambiente i entretenimentu . Bishitá Digicel Brionplein di djaluna pa djabièrnè for di 8:00 te ku 17:30 i riba djasabra for di 11:00 te ku 17:00 . Digicel Brionplein ta bèk!