Pa medio di esaki Kas di Kultura kier hasi un petishon na tur grupo di Tambú i Aguinaldo pa bin registrá na Kas di Kultura. Esaki ta konta tantu pa gruponan eksistente komo gruponan nobo. Por hasi esaki serka Norwin Moesquit (4347323) òf Tayrina Clements (4347300), na Kas di Kultura, di 8.00 pa 12.00 i 14.00 pa 17.00 (djabièrnè te 16.30). Tambe ta pidi tur gruponan di Tambú i Aguinaldo pa reservá dia 13 di òktober 2014. Riba e fecha aki lo tuma lugá un charla ku e tema “Patriotismo den tur Sentido di Palabra” . Orario i lugá lo ser anunsiá despues.