WILLEMSTAD.- Multi Event Organization a risibí konfirmashon ku Queen Zomercarnaval 2014 tambe ta den Gran Marcha Karnaval 2015. Miguelina Mota, Queen Zomercarnaval, lo ta na Kòrsou algun dia promé pa asistí na e diferente aktividatnan di selebrashon Karnaval Kòrsou. ‘Mi soño ta pa bin Kòrsou pa asina mi por partisipá den e Marcha di Karnaval di Kòrsou. Ounke mi no a nase na Kòrsou, tòg mi ta sinti mi mes un bon yu di Kòrsou i Kòrsou ta den mi kurason. Esaki komo mi mama ta un yu di Kòrsou. Durante e aña di mi reinado mi kier laga tur hende mira ku nada no ta imposibel i ku bo soñonan por bira realidat. P’esei mi slogan ta: “No dream is too big, just believe in yourself!” Tur kos ta kla pa Kòrsou risibí Queen Zomercarnaval 2014.