Oranjestad – Juli – Idolo di bachata, Romeo Santos a bishita Aruba den transcurso di fin di siman tras di lomba pa un grandioso concierto. Durante su estadia na Aruba, Romeo Santos a keda den Renaissance Aruba Resort y Casino na unda cu tanto e mes como su crew a disfruta di tur e facilidadnan cu e resort ta ofrece. Manera tur otro artista di taya internacional, Romeo Santos tambe ta biaha cu su Chef personal. Asina por haci mencion cu Renaissance Aruba Resort a ricibi bishita di Chef Ivan Diaz- encarga cu alimentacion di e cantante. E’la comparti cushina hunto cu Chef local Jose Urena na unda cu durante di estadia di e cantante e’la prepara tanto e lunch y e dinner. Prome cu e Chef personal di Romeo Santos Sr. Ivan Diaz a cuminsa prepara e dinner di e cantante den cushina di Renaissance Aruba Resort a saca un potret di ambos Chef. Un bes mas Renaissance Aruba Resort y Casino a sa di ofrece un experiencia inolvidabel  y un estadia  placentero na otro artista internacional.