ORANJESTAD – Renaissance Aruba Resort recientemente a tene su fiesta anual exclusivamente dedica na su clientenan empresarial/ corporativo. E tema di e aña aki tabata ‘pirata’ cual a haci Renaissance Island un sitio perfecto pa relashonadonan, ehecutivonan y amigonan di Renaissance Aruba Resort & Casino disfrasa na e tema y disfruta di un anochi estilo di ‘Pirates of Renaissance’.

Agrupacion musical Delicious i DJ Swingmasterz a percura pa e bon musica cu wordo combina cu tremendo servicio y dushi cuminda presenta estilo buffet. E decoracion haci dor di e team completo di Renaissance Convention Center a accentua e anochi. E toke final di luz y zonido tabata na encargo di High Performance. For di yegada na Renaissance Boat Dock te na subida di e Renaissance Island tur invitado por a cuminsa sinti esfera di pirata. Como un seccion special a crea un photobooth decora door di Perfect Team den cual e invitadonan por a saca potret cu Captain Jack Sparrow figura di e popular pelicula ‘Pirates Of The Caribbean’ protagonisa dor di actor Johnny Depp. Tur esunnan cu a presencia e celebracion di Renaissance Aruba Resort & Casino a keda altamente impresiona pa e bon ambiente, dushi musica y un esfera cu tabata den coherencia cu e tema.

Renaissance Aruba Resort & Casino ta yama tur su clientenan empresarial danki pa nan sosten y lealtad. Tambe ta na su lugar expresa entusiasmo pa otro temporada exitoso. Riba potretnan adhunto por haña un impresion di e “Pirates of Renaissance” party cu recientemente a tuma luga riba bunita Renaissance Island.