ORANJESTAD, Aruba- december 2014: E dianan aki Aruba ta den bista internacional atrobe; pendiente pa ricibi e di 1 miyon bishitante pa nos isla.  Naturalmente, ta Renaissance Aruba tambe ta celebra e momento glorioso aki y e celebracion ta hopi cerca di cas como cu e di 1 miyon bishitante lo ta kedando cerca nan.  “Un miyon bishitante ‘stay over’ no por pasa sin mas; nos ta comparti e logro aki cu henter nos comunidad. Cu nan a kies Renaissance Aruba Resort pa nan vacacion ta haci nos contento sigur, pero cu nan a scoge pa bishita nos isla Aruba esey ta yena nos cu satisfaccion real. Nan lo ta kedando den cambernan completamente renoba. Nos ta desea nan un experiencia inolvidabel.”, esaki di acuerdo cu gerente general di Renaissance Aruba Resort & Casino, Sr. Paul Gielen. “Nos ta yama bon bini na nos huesped y Aruba su di 1 miyon bishitante, Sr. Tung Vicrumdeep y su pareha nos ta desea nan un feliz estadia”, asina Sr. Gielen a continua.  Na yegada e pareha a wordo ricibi cu bouquet di flor y boter di champaña den su camber. Sr. Vicrumdeep ta un dokter di profesion, su pareha ta un trahado social cu ta traha cu muchanan special. Nan tabata hopi agradecido cu Aruba a duna nan e reconocemento. Nan lo ta na Aruba pa 5 anochi p’asina relaha y pasa tempo hunto. Nan ta sumamente contento y a haña sorpresa di nan bida ora cu nan a yega Aruba, nan no tawata tin ningun idea cu nan lo tawata e 1,000.000 stay-over. Tocante Renaissance Aruba Resort & Casino:  ta inclui e ‘adult-exclusive’ Marina Hotel y e Ocean Suites dedica na famia. E resort ta e unico propiedad na Aruba cu ta opera su propio isla priva, 40 hectar- exclusivamente pa huesped. Tur huesped ta wordo transporta cu ‘water taxi’.  Ademas di esaki, e resort ta inclui establecimentonan di primera, 15 restaurant, 2 casino, un Spa di 3,500 meter cuadra y un theater di 6 cinema. E Renaissance Convention Center ta Aruba su sala di exhibicion i reunion di mas grandi.  Bishita, www.renaruba.com of conecta cu e pagina di facebook di e resort www.facebook.com/RenaissanceAruba, twitter @RenAruba. Pa mas informacion tocante di e programa R Life Live por bishita e pagina web http://renaissance-hotels.marriott.com/r-life.