A selebrá diferente aniversario den e kompania

Willemstad – NOV – Siman pasá Renaissance Curaçao Resort & Casino a selebrá ku empleado- i supervisornan ku a sobresalí den e terser kuartal di 2017 i tambe tur ku tabatin un aniversario. Kada kuartal Renaissance Curaçao Resort & Casino ta nominá e koleganan ku a destaká den nan trabou i den servisio na huéspetnan di e hotèl i casino.

Di akuerdo ku Angelo Martes, direktor di rekurso humano di e resort, e nombramentu di kada kuartal ta reflehá filosofia di e kompania; kada empleado ta un persona klave i tur funshon ta mes importante. E kuartal aki Renaissance Curaçao Resort & Casino a premia Monique Nuijten (Front Of The House), Grace Campbell-Smith (Heart Of The House) pa e resort, miéntras ku pa casino a rekonosé Kevin Kwidama komo Heart Of The House. E tim di Renaissance Curaçao Resort & Casino ta konsistí aktualmente di 475 persona; tur nanishi den mesun direkshon i tur ku un meta komun, esei ta pa duna servisio ekselente. A rekonosé e supervisornan sobresaliente tambe; Willem Falter i pa casino Ludwin Bekeer, ámbos Front Of The House.

Durante e seremonia ku a tuma lugar den Atrium a selebrá tambe ku tur esnan ku a kumpli nan aniversario trahando. Un pabien ta bai na Peggy Muzo ku su 10 aniversario na Renaissance Curaçao Resort & Casino i tambe na Tsarina Domacasse (Accounting), Argenida Gambin-Anaya (Kitchen),Juhainy Fornerino (Kitchen), Shudesca Flaneur (Housekeeping), Ayarallis Whieskie (Casino Tables), Mary-Ann Marchena (Casino F&B), Judalis Anita (Casino Tables) i Gertrudes Mambi (Casino Cage) ku nan 5 aniversario. Gerensia, Staff i Personal di Renaissance Curaçao Resort & Casino ta felisitá tur kolega i ta gradisí kada un pa nan esfuerso i dedikashon tur dia. Boso ta kurason di nos kompania, masha pabien!