A rekonosé empleadonan ‘Best Of The Best’

Willemstad – FEB – Resientemente Renaissance Curaçao Resort & Casino a selebrá ku empleado- i supervisornan sobresaliente di e último kuartal di 2017. Tambe a selebrá ku tur kolega ku a kumpli 5 aniversario ku e empresa. Durante henter aña Renaissance Curaçao Resort & Casino ta nominá koleganan ku ta destaká den nan trabou.  Esaki no únikamente ta sirbi komo estímulo pero tambe ta premia servisio ekselente na huéspetnan di e hotèl i casino di akuerdo ku filosofia di Renaissance Curaçao Resort & Casino komo parti di Wind Creek Hospitality.

Den e último kuartal di 2017 Renaissance Curaçao Resort & Casino a premia Elizabeth Cabrera (Infinity Beach), Norwella Sambo (DTS Department) i Junaiska Wanga (Starbucks BLVD). Na Carnaval Casino a rekonosé Jonaozzy Richardson (Table Operations), Kevin Kwidama (Slot Operations) i Candida Gordon (Cage Casino) pa nan tremendo trabou.  Na final di aña ta duna un rekonosementu adishonal, ‘Best of The Best 2017’; Grace Smith a resultá e mihó empleado di 2017 i Willem Falter e mihó supervisor pa Renaissance Resort. Pa Carnaval Casino, tabata Kevin Kwidama ku a resultá e mihó empleado i Candida Gordon e mihó supervisor di 2017.

Durante e seremonia ku a tuma lugá den Atrium a selebrá tambe ku tur empleado ku a kumpli 5 aniversario trahando. Un pabien ta bai na Gilmar Monte, Sidney Mathilda, Rodethny Curiel, Shandra Velder, Katiushka Thode i Alexis Nita. Gerensia, Staff i Personal di Renaissance Curaçao Resort & Casino ta felisitá tur kolega i ta gradisí kada un pa nan esfuerso i dedikashon di tur dia! Masha Pabien!