WILLEMSTAD – Djaweps último Renaissance Curaçao Resort & Casino a selebrá su di 5 aniversario huntu ku su klientenan empresarial. E selebrashon a tuma lugá na e Ocean Front Park i tabata tin komo tema; Bubbles & Glamour. A pidi tur invitado pa bisti na blanku pa asina agregá un toke aún mas glamuroso na e selebrashon. Animashon tabata na enkargo di agrupashon musikal Dreams i Dj Laennon. Renaissance Curaçao Resort & Casino a pèrkurá pa diferente stènt na unda ku tur kliente por a disfrutá di un variashon kulinario spesialmente prepará pa selebrá e sinku aniversario. Renaissance Curaçao Resort & Casino ta yama tur su klientenan empresarial danki pa e 5 añanan di lealtat i konfiansa.